Hiŋháŋ na Igmú

I

Hiŋháŋ na igmú mniwáŋca étikya yapi
Wáta to wató iyécel mahel
Caŋháŋpi wóyatke tóna na mázaska óta icúpi
Záptaŋ mnihúha el opáhtapi
Hiŋháŋ waŋkátkiya wicáhpi ayúta
Na hótaŋka ópeya lowáŋ
“O igmú wašté, ah igmú wówaštelaka mitáwa
Líla taŋwašté nitá
Nitá
Nitá!
Líla taŋwašté nitá!”

II

Na igmú kiŋ hiŋháŋ hecíya: “Zintkalá jíca!
Wicóie líla skúya yalowáŋ!
Wakáŋ kicíyuzapi wacíŋ! Eháŋl aunpépi:
Éyas wómime napsú kíci unkítawapi šni!”
Ómaka waŋ na aŋpétu waŋ heyáb iyápi,
Makóce ektá tókeya boŋ-caŋ icága
Na éna caŋmáhel kukúše cíkala nájiŋ
Póge táwa oíhaŋke el wómime waŋ héca
Póge táwa
Póge táwa
Póge táwa oíhaŋke el wómime waŋ héca.

III

“Kukúše mitákola, wómime nitáwa wiyopemáyaya ca
yacin hwo?” Na kukúše hecíya, “Haŋ.”
Héoŋ heyáb icúpi, na ihíŋhaŋna ic'icúpi
waglékšuŋ kiŋ itókab pehá óhaŋ.
Etúel wakápapi na waskúyeca yútapi,
Ciŋšká tókeca waŋ uŋpi;
Naháŋ napáta ptáyela, casmú óhuta el,
Haŋhépi wi mahél wacípi
Haŋhépi wi kiŋ
Haŋhépi wi kiŋ
Haŋhépi wi mahél wacípi.