Kattins be Pūki

I

Kattins be Pūki izgūbi en jūrin
En grazzei zallai āldin,
Immusis meddu be penningans tūlin,
Pergrēnzus' en pēnkimans pundu.
Pūki dirīwusi ūnzai en lāuksnans
Be grīmusi sen gitarrin,
“Ō Kattine stebbuls, majā assei mīli
Kawīds Kattins assei tū grazzu!
Assei tū
Assei tū
Kawīds Kattins assei tū grazzu!”

II

Kattins bilāi: “Elagantiskas pippel
Tū assei be saldai tū gremja!
Tīt ilgai mīrimai, pattinimai!
Kwei adder prēipirstan īmtun?”
Plūwa tenēi tit mettan be dēinan
Prei tāutan kwei Skāberwis aūga
Be stwen en medju nōmaits stalāi
Sen prēipirstan en nāsei
En nāsei
En nāsei
Sen prēipirstan en nāsei!

III

“Tēmprasis nōmait, perdāsei per šillingan
Prēipirstan?”, “jā”, - tāns bilāi.
Immi tenēi stan, jāu dins kittan dēinan
Pattina gārbas Kalkūns.
Īda tenēi tīt lūgins be wēisins
Sen šlāitewingiskan sakkin.
Rankā en rankai, nō krantas zigzdan
Dāncau en mīnikas swāikstu
Mīnikas
Mīnikas
Dāncau en mīnikas swāikstu!